معجم مصطلحات باشكاتب

مصطلحات الفواتير

مسودة — فاتورة متسجّلة بس مالهاش أي أثر: مافيش مخزون ولا قيود ولا تغيير في رصيد الطرف. تقدر تعدّلها وتحذفها.

مُعتمَد — الفاتورة اتنفذت: المخزون اتحرك، وقيد اليومية اتعمل، ورصيد الطرف اتحدّث. لا رجعة فيه.

فاتورة إرجاع — فاتورة جديدة مربوطة بفاتورة أصلية، بتعكس أثرها. مابتعدلش الأصلية.

الكمية القابلة للإرجاع — كام لسه ينفع ترجّع من كل صنف في فاتورة. بتنقص مع كل مرتجع.

حد الائتمان — أقصى مبلغ مسموح للعميل يكون عليه. صفر = غير محدود.

الرصيد الحالي — كام الطرف عليه (أو ليه). النظام بيديره لوحده.

مصطلحات المخزون

المخزون الحالي — إجمالي رصيد الصنف في كل المخازن مجموعين.

رصيد المخزن — نصيب مخزن واحد من الصنف ده. ده اللي المتجر الإلكتروني بيقراه.

دفتر المخزون — سجل غير قابل للتعديل بكل حركة مخزنية، مع الرصيد بعد كل حركة.

تسوية مخزون — تصحيح رصيد بعد جرد. بتتنفذ فورًا وبتعمل قيد يومية.

تحويل مخزني — نقل بضاعة بين مخزنين. مابيعملش قيد لأن الإجمالي ما اتغيرش.

متوسط التكلفة — تكلفة الوحدة المحسوبة بالمتوسط المرجّح. بتتحدّث من اعتماد فواتير الشراء بس.

سعر الشراء — رقم مرجعي بتكتبه في كارت الصنف. مش هو متوسط التكلفة.

متابعة المخزون — مفتاح في الصنف. لو مقفول، الصنف بيخرج من نظام المخزون بالكامل.

الحد الأدنى للمخزون — نقطة التنبيه. مابيمنعش البيع.

المخزن الافتراضي — المخزن اللي الفواتير بتستخدمه لو ما اخترتش. واحد بس في الشركة.

مصطلحات المتجر الإلكتروني

Online Store Warehouse — مخزن كوده ONLINE بيتعمل تلقائي. المتجر بيبيع منه هو بس.

حجز المخزون — لما زبون يعمل أوردر، الكمية بتتحجز مش بتتخصم. بتختفي من المتاح للبيع، والخصم الفعلي بيحصل وقت التجهيز.

المتاح للبيع — رصيد مخزن المتجر ناقص الكميات المحجوزة.

تجهيز الطلب — الإجراء اللي بيعتمد فاتورة الأوردر وبينزّل المخزون فعلاً.

مفعّل (منتج) — شغال في النظام. الموقوف بيتخفي حتى لو منشور.

منشور (منتج) — ظاهر على المتجر الحي. لازم الاتنين عشان الزبون يشوفه.

سعر المقارنة — السعر المشطوب اللي بيبيّن التوفير. مش بيتحصّل.

كود الخصم — كود بيكتبه الزبون في الشيك أوت. غير الكوبون بتاع اشتراكك.

مصطلحات محاسبية

قيد يومية — تسجيل محاسبي متوازن: مجموع المدين = مجموع الدائن.

دفتر الأستاذ العام — عرض بيتبني لحظيًا من سطور القيود. مش جدول محفوظ.

المدينون — فلوس عند عملاءك. الدائنون — فلوس لموردينك.

الطبيعة المدينة/الدائنة — الاتجاه الطبيعي لرصيد الحساب. الأصول والمصروفات مدين، والباقي دائن.

حساب مجمّع — حساب رئيسي مابيتقيّدش عليه، بتتجمّع تحته حسابات تانية.

ميزان المراجعة — أرصدة كل الحسابات. لازم يتوازن.

مصطلحات الصلاحيات

الدور — مجموعة صلاحيات بتديها للمستخدم.

الصلاحية — بالشكل الوحدة:الإجراء زي items:add. من غير view الشاشة مابتظهرش خالص.

مدير الشركة — أعلى صلاحية جوه شركتك. مدير النظام — بيشوف كل حاجة في المنصة.