تقرير أصناف تحتاج إعادة طلب

إيه هو التقرير ده؟

قايمة المشتريات بتاعتك. بيوريك الأصناف اللي إجمالي مخزونها نزل تحت الحد الأدنى المسجّل عليها.

مكانه فين

التقارير ← تقارير المخزون ← أصناف تحتاج إعادة طلب، أو /dashboard/reports/items-need-reorder.

الصلاحية: reports:items_need_reorder.

إزاي بيشتغل

بيقارن إجمالي مخزون الصنف (مجموع كل المخازن) بـ الحد الأدنى المكتوب في كارت الصنف.

الصنف اللي تحت حده بيظهر في القايمة.

الحد الأدنى هو اللي بيشغّله

التقرير مفيد بقد ما حدودك الدنيا واقعية.

الحساب العملي:

الحد الأدنى ≈ (المبيعات اليومية × أيام توريد المورد) + هامش أمان

الروتين

1. افتح التقرير كل أسبوع.
2. راجع الأصناف اللي فيه.
3. اعمل فاتورة مشتريات بالناقص.
4. لما البضاعة توصل، اعتمد الفاتورة — من غير الاعتماد المخزون مش هيزيد.

نصايح

• ابدأ بأكتر 20 صنف بتباع. ظبط حدودهم صح، والباقي سيبه بصفر لحد ما تحتاجه.
• راجع الأرقام كل ٣ شهور. المواسم بتغيّر معدل البيع.
• افتح معاه منخفضة حسب المخزن — ممكن مالكش داعي تشتري، بس محتاج تحوّل بين مخازنك.