الاشتراك والتجربة المجانية

إزاي يشتغل الاشتراك في باشكاتب؟

أول ما تسجّل شركتك، بتبدأ تجربة مجانية. لما تنتهي، بتختار باقة وتجدد. الاشتراك بيتحكم في عدد المستخدمين وفي إتاحة المتجر الإلكتروني. والمساعد الذكي مشمول في كل الباقات.

مكانها فين

الإدارة ← الاشتراك، أو /dashboard/subscription.

لمدير الشركة بس.

التجربة المجانية

بتبدأ تلقائيًا مع تسجيل شركتك. النظام بيوريك الأيام المتبقية في التجربة، وبينبّهك وهي بتقرب تخلص.

التجربة هي باقة ستاندرد كاملة، والمتجر الإلكتروني مشمول فيها. مافيش حاجة متقفولة، فتقدر تبني متجرك وتجرّب البيع قبل ما تدفع أي حاجة.

لما التجربة تنتهي

النظام بيتقفل. مش هتقدر تستخدم الشاشات، وبيتم توجيهك لصفحة الاشتراك.

بياناتك كلها بتفضل موجودة — فواتيرك ومخزونك وعملاءك زي ما هما بالظبط. بس مش هتقدر توصلهم لحد ما تجدد.

حالات الاشتراك

النظام بينبّهك قبل الانتهاء بأيام برسالة فيها الأيام المتبقية وزرار تجديد.

جدد قبل ما ينتهي. التجديد بعد الانتهاء بيوقّف شغلك لحد ما تخلّص.

الباقات

شاشة الاشتراك بتعرض الباقات المتاحة، ولكل واحدة:

الباقات الأطول عليها خصم. لو شغلك مستقر، السنوي بيوفّر عليك.

المستخدمين الإضافيين

كل باقة شاملة عدد من المستخدمين.

لو محتاج أكتر، اختار عدد المستخدمين الإضافيين من شاشة الاشتراك قبل ما تدفع. كل واحد بتكلفة شهرية إضافية، وبيتضافوا فوق المستخدمين اللي الباقة شاملاهم — باقة فيها مستخدمَين زائد 3 مشتريين بتسمح بـ 5.

زيهم زي الباقة، المستخدمين الإضافيين بيتضربوا في مدة الاشتراك وبياخدوا نفس الخصم، فعلى الباقة السنوية بيتحسبوا للسنة كلها بالسعر بعد الخصم.

لو حاولت تضيف مستخدم فوق حدك، شاشة المستخدمين هتقولك إنك تجاوزت حد الاشتراك. اشتري مستخدمين إضافيين في التجديد الجاي الأول.

المساعد الذكي مشمول

المساعد الذكي بيجي مع كل الباقات من غير أي تكلفة إضافية. كان قبل كده إضافة مدفوعة، وبقى مشمول، ومافيش حاجة تفعّلها أو تدفع فيها.

إضافة المتجر الإلكتروني

المتجر الإلكتروني إضافة مدفوعة. بتختارها من شاشة الاشتراك قبل ما تدفع، وبتتحسب شهرياً فوق سعر باقتك — بتتضرب في مدة الاشتراك وبتاخد نفس خصم الباقة.

التجربة المجانية شاملاه أصلاً، فتقدر تبني متجرك وتجرّبه الأول وتقرر بعدين.

ولو مااشتريتهوش، شاشات المتجر مش هتكون متاحة لشركتك.

عندك متجر شغال من قبل كده؟ الشركات اللي كان عندها المتجر قبل ما يبقى إضافة مدفوعة محتفظة بيه. مافيش حاجة اتقفلت.

الكوبونات

في شاشة الاشتراك فيه خانة كوبون. الكود المناسب بيقدر:

• يمدد اشتراكك بعدد أيام.
• يزوّد عدد المستخدمين المسموح.
• يفعّل المساعد الذكي.

لكل شركة استخدام واحد لكل كوبون. لو جربت تستخدم نفس الكود تاني، هيقولك إنك استخدمته قبل كده.

⚠️ الكوبونات دي غير أكواد الخصم بتاعة متجرك. دي بتخص اشتراكك أنت في باشكاتب. أكواد الخصم بيستخدمها زباينك في الشيك أوت — وموجودة في المتجر ← اكواد الخصم.

التجديد

اضغط تجديد الاشتراك أو ترقية الباقة، اختار الباقة والمدة، وشوف الملخص: سعر الباقة وإضافة المتجر الإلكتروني والمستخدمين الإضافيين والخصم والإجمالي. وبعدين المتابعة للدفع.

نصايح

• راجع الأيام المتبقية من وقت للتاني — التنبيه بيظهر قبل الانتهاء بس الأحسن تكون عارف.
• الباقة السنوية أوفر لو شغلك مستقر.
• جدد قبل الانتهاء عشان مايحصلش انقطاع.
• راجع عدد مستخدميك قبل ما تختار باقة.